Pedras do Vilán

2011-03-11T20:37:00.003+02:00

UN PEQUENO RECORDATORIO

Xa temos o vídeo do Entroido, en versión reducida, que a longa é demasiado longa para colgar aquí.
Os interesados en velo completo (máis de 25 minutos) o teredes nos ordenatas da biblio, coma sempre.
Esperemos que a non moito tardar poidamos ter algunha outra mostra da arte do alumnado na biblio, nas sesións de Rock'n'Biblio dos venres.
Graciñas polos comentarios. Que cunda o exemplo!
Vémonos!

Celebración do Entroido 2011 no IES Pedra da Aguia.

2011-03-04T21:25:00.002+02:00

Entroido 2011

Unha vez feita a dixestión da chocolatada e os postres, xa podemos poñernos a revisar o que foi a festa de Entroido do 2011 no noso centro. E atopámonos con moita xente participando nos concursos de disfraces, de comparsas e de coreografías, ademáis do de postres. Non estrivo mal, non!
De momento déixovos aquí unhas cantas 'afotos' do día. A colección completa (que hai máis) estará nos ordenatas da biblio, para quen as queira copiar.
Estade atentos, que en breve aparecerá o vídeo do día; un pouco de 'pasiensia'.

2010-12-21T17:22:00.003+02:00

PLAY & WIN

Rematou hoxe o torneo de basket Play & Win. Non estivo mal a idea de Javier de celebralo, xa que poidemos comprobar que tivo moi boa acollida e foi moi competido. As tres clases de 2º puxeron ' a carne no asador', ata chegar á final de hoxe, na que, a dous minutos do final, había empate no marcador. Logo, cun par de xogadas moi acertadas, os de 2ºA acabaron por impoñerse fronte aos seus compañeiros/rivais. Noraboa para todos!
Por outra banda, a min dame a impresión de que, con estas competicións, a xente está 'quentando motores' para o torneo de Xadrez... Pero eso é outra historia e debe ser contada noutra ocasión.

2010-12-01T16:56:00.003+02:00

Los campeones del I.E.S Pedra da Aguia

CAMPO A TRAVÉS CEE 2010

Alumnos/as de Cee, Muxía, Fisterra, Ponte do Porto, Vimianzo… reuníronse en Cee para participar na primeira convocatoria de Campo a través que tivo lugar o 30 de novembro.

A xornada comezou con bastante frío e chuvia que se mantivo durante toda a mañan. Nervios antes das carreiras, un circuito por… Cun pistoletazo do xuiz na saida comenzaba a proba que revelou que neste centro hai bo nivel deportivo. Entre tanto frío destacaron as corredoras Antía, Ana Belén e Yolanda, da Ponte do Porto, que quentaron o ambiente cos aplausos da grada.

Pedra da Aguia agradece e felicita a tod@s @s rapac@s que participaron na carreira. David e Michael

Puestos femeninos en las clasificaciones:

INFANTIL: 1ª Antia Baña Castro

CADETE: 1ª Ana Belén, 2ª Cristina Blanco, 3ªYolanda Martínez

Puestos secundarios masculinos :

2º Ariel Aquino, 3º Martín Arnosi, 4º Fernando Baldomar, 5º Mateo Pasantes, 6º Anás Saadi

2010-04-07T22:11:00.002+02:00

Centro de Tecnificación

de Bádminton Pedra da Aguia

Durante a mañá do 7 de abril o presidente da Federación Galega de Bádminton Rodrigo Sanjurjo, acompañado por Bruno Moldes, alumno do CAR da Estrada, estiveron no IES Pedra da Aguia dándonos un exemplo da maxia e dos trucos deste deporte. O alumnado do Instituto tivo oportunidade de vivir o bádminton a un alto nivel técnico coa demostración de diversos golpeos (deixadas, remates, clear, lobos, etc.), rutinas e xogos utilizados no seu adestramento.
Rodrigo e Bruno, como profesionais, se acompañaron de Nerea, Alvaro, Fran, Karen, Estela, Sara, Yulia, David, Maikel, Ismael e Angel para xogar partidas individuais e dobles e así poñer en práctica as súas habilidades.

2010-03-18T21:36:00.002+02:00

PROXECTO TERRA

Dentro do Proxecto Terra, os de 3º realizaron unha saída a Ferrol, percorrendo as rúas do Barrio da Magdalena, de arquitectura Modernista. Ademáis fixeron unha visita a Aula de Ecoloxía Urbana e ao Parque de Aquaciencia. Aproveitaron ben o día, cunha travesía en barco, desde Mugardos, para ver o castelo de San Felipe. Non sabemos se os profes aproveitaron para deixar a algún nas 'mazmorras' do castelo!

2010-03-06T21:42:00.004+02:00

CELESTINAS/OS

Foron os de 1º e 2º a Santiago a ver unha obra de teatro, "La Celestina", coa excusa de que tocaba estudala na clase de Castelán. En realidade querían aprender as técnicas da Celestina para poñelas en práctica no insti, claro que con mellores resultados que na obra orixinal. Os C__ _ _ _ _ s e M__ _ _ _ _s do insti merecen un final máis feliz que o que pensou o autor da obra orixinal. Por certo: piruletas para os 5 primeiros que me poñan nos comentarios os nomes completos dos personaxes principais e o do autor da obra!

2010-02-26T22:08:00.003+02:00

TODO GRAVADO

Estaban os de 3º e 4º con gañas de saída! Marcharon a Betanzos e foron visitar a parte monumental da cidade. Logo entraron no Museo da Estampa, onde deixaron gravado todo o seu saber facer, como podedes ver nas fotos. Cansos de tantos días de sol como levamos, decidiron darse unha volta pola pista de xeo, para cambiar de aires; eso si, collidiños da man dun oso polar que pasaba por alí.

MARROCOS, TAN PRETO E TAN LONXE…

2010-02-21T16:42:00.000+02:00

Un brindis a Granada, a Lorca, ós galegos que andan polo mundo,e, como non, a todos os seres humanos que andan facendo camiños (como decía o Machado).

Un Arnosi (sabedes cal é?) ergue o vaso. Federico pon un poema (2 primeiras estrofas) falando dos galegos en Buenos Aires e a nosa lembranza polas mociñas marroquís (de verde luna que diría o outro) pon o sentimento de unión entre culturas e sensacións.

Cántiga do neno da tenda
Bos Aires ten unha gaita
sobro do Río da Prata,
que a toca o vento do norde
coa súa gris boca mollada.
¡Triste Ramón de Sismundi!
Aló, na rúa Esmeralda,
basoira que te basoira
polvo d’estantes e caixas.
Ao longo das rúas infindas
os galegos paseiaban
soñando un val imposibel
na verde riba da pampa.
¡Triste Ramón de Sismundi!

Non hai tristeza que valga, cada vez que Farah e Ouijdane viaxan ata nós (aínda que sexa virtualmente) sentimonos máis cerca delas, e de paso de Granada e do Lorca.

PD persoal para F e O : Como podedes ver nas fotos doutro lugar do blog, a imaxe corresponde ó Entroido 2010. O lugar ven sendo a entrada do insti, pero que agora está chea de taquillas. Seguide contactando con este blog que nos permite estar “codo con codo” con vós. Poñemos esta entrada máis recente, para non ter que andar buscando a entrada anterior que xa é moi antiga. E, por certo, se hai dificultades co galego, decilo e así facemos "as vosas entradas" en castelán.

Aquí vou poñer a entrada antiga para entrar nela sen ter que buscala de novo:

http://pedrasdovilan.blogspot.com/2009/03/lembrando.html

...E TAMÉN PAZ!

2010-02-17T23:19:00.000+02:00

Porque paz é o que nos trasmite o amigo Juan. Paz para todos! Aproveitando que os colegas foron de paseo temos unha minicharla con esta excelente persoa que lle declarou a guerra ós libros de texto. Pode ser un bo momento para facer tamén un minibalance...

Como te vai no insti?
- Ben.
Que cousas che gusta facer?
- Andar en moto, montar a cabalo...
Que lle aconsellas o alumnado do insti?
- Que se porten ben e que estuden.

Deixamos que neste recreo, previo a S. Valentín e o Entroido, Juan Pérez espere o toque para entrar nas aulas. E nós tentaremos seguir notando o latexar dos corredores...

AMOR PARA TODOS...

2010-02-16T20:18:00.003+02:00

Xa sabemos que o amor é un ben caro que, curiosamente, debe repartirse o mellor posible. Así que sexa apasionado ou unha forte amizade, convén facerllo saber aos outros... O amor agochado é como ter un tesouro que non disfruta ninguén, non?

Así que nos chantamos na mesa da "palabra namorada" para apuntar que poemas-tarxeta son preferidos polo alumnado do noso insti.

Clara escolleu unha do Bécquer porque lle gustaba. Laura recibiu unha de Walt Withman e tamén lle gustou.
Desirée cóntanos que colleu a Cunqueiro, dado que era un poema máis adaptado para regalar a un amigo.
E Ana leva a Salinas, a cambio da que realmente quería (unha de Luz Pozo).

En fin, que os dez poetas e poetisas tiveron un público con ganas de amosar a súa vea amorosa e tenra. E tiveron ancho campo: desde Bécquer ata Amaral.

Resumindo cun dos moitos versos ciscados pola mesa: "¡Silencio! ¡es el amor que pasa!"

2010-02-13T18:43:00.006+02:00

ENTROIDO 2010

Outro ano veunos visitar o Entroido, cunha estupenda participación de alumnado e profesorado, moita marcha e ganas de pasalo ben, que non todo é estudar nesta vida. Aquí tedes un vídeo cun resumo do que por aquí houbo. Mágoa que non esteamos todos e todo, pero é imposible, xa sabedes.

Entroido 2010 from Libraco on Vimeo.

2010-02-11T22:19:00.004+02:00

MESSENGER FRIENDS

Aquí temos un bo lote de 'friends' que asistiron en Santiago á representación da obra de teatro en inglés "Messenger friends", na que se enteraron de todo, todo, todiño.

Visitamos, ademais, o MUPEGA, o Museo Pedagóxico de Galicia, no que puideron comprobar que as clases de hoxe en día son igualiñas igualiñas que as dos tempos pasados.

2010-01-25T22:34:00.005+02:00

SEN FRÍO NO CORPO

O día 18, os de 1º e 2º marcharon de excursión a Betanzos. Andiveron río arriba e río abaixo, visitando a aula da Natureza de Chelo, no río Mandeo. E ademais visitaron o FIEC (Museo da Estampa) e o Museo das Mariñas. Como andaban sobrados de forzas, logo de comer, marcharon en busca do xeo, pero non quedaron fríos. Máis ben entraron en calor facendo malabarismos sobre os patíns. Aquí tedes unha mostra de como foi o día.

Betanzos - Patinaxe Xeo on PhotoPeach

2009-12-20T12:46:00.003+02:00

Campo a través 09

Este xoves fumos correr a Area da Vila, á competición intercentros de campo a a través. Tivemos a sorte dos valentes e fixo un día estupendo, soleado e sen vento. Como a cousa era en casa, en terreo coñecido, os nosos/as sacaron peito e tivemos unha chea de medallas. Queda demostrado nas fotos que tedes aquí debaixo:

De Películas

MÁIS TAQUILLAS, QUE É A MODA!

2009-12-10T00:33:00.000+02:00

Patrullando pola entrada-recibidor do iES, atopeime cunha rapaza abrindo a súa taquilla. E como ese elemento sempre foi moi ilustrativo nas series de TV con alumnado adolescente, sentín curiosidade por notar como respiraba esta alumna de 1º (novata, polo tanto!) acerca do asunto taquilleril.

Resultache útil a taquilla?

- Sí, xa que evita andar cargada de libros.

Tes adornada a taquilla con algunha foto?

- E para que, nin tempo de mirar para elas vou ter.

Seguiremos…

E TAMÉN ESTAMOS CONTRA A VIOLENCIA…

2009-12-04T00:39:00.000+02:00

Como xa anunciou no seu día o Vilán irmán, celebrouse unha semaniña contra a violencia de xénero. Pillamos a 2 representantes do xénero femenino, observando a exposición montada con letras de cancións e textos informativos.

Sempre nos resulta extraordinario ver adolescentes lendo textos… E, como non, falamos con Natalia e Tamara…

Que canción vos gusta máis? E tanto Natalia como Tamara decántanse pola de Merche, Abre tu mente. Natalia di que tamén lle gusta moito a de Amaral.

E ante a pregunta de que tal lles parece a exposición, contestan a dúo “Está moi ben”.

Seguimos buscando…

BIBLIOARTE CALABACIL, BIBLIODEPORTE…ESTAMOS EN TODO!!

2009-12-01T20:09:00.000+02:00

Pódese decir que a biblioteca do noso IES ven sendo un fervedoiro de mentes pensantes.

Entre a diversión (sí, diversión!) de ler, a de “tuentiar” ou os xogos de mesa, salta de cando en vez algunha competición “ deportiva de mesa”, como vai sendo estes días co torneo polideportivo que organiza o Departamento de Educación Físca, en colaboración con esta a nosa Biblioteca.

Tamén hai días que se “compite” na preparación das actividades de clase (sí, sí, hai xente que estuda!!), especialmente exames. Pero diso falamos outro día.

O día que reflicte a imaxe temos a un equipo de 1º competindo ó xogo das damas con outro de 2º (cinco contra cinco).

Seguiremos…

CABEZAS GAÑADORAS

2009-11-02T16:35:00.000+02:00

Pasou o concurso das cabazas, con motivos pouco claros, se atendemos a algúns medios de información, e para festexar o día dos mortos (Samaín na terras de tradición celta e Halloween nas de “herencia xenética”) que di algunha xente x Galicia, sen darlle importancia a disputa de nomes. No Vilán podedes ver imaxes da exposición-concurso.

Imos falar coas 3 gañadoras no concurso de cabazas, empezando polo máis veterana (e, neste caso, a máis literaria): Sara Carballo con nós.

Esperabas ganar?

- A verdade é que non.

Que che serviu de idea para darlle ese aire de “alén de nós”?

- Encontrei a idea no libro que van ler os do club de lectura dos maiores, o de “Os vellos non deben namorarse”.

Entón, que representa a montaxe?

- A cabaza representa o vello e a caveira a morte que lle anda xa moi cerca.

E seguimos con unha veterana de 2º ano e segura de se mesma, Noelia Pose. Ela e o seu doble flamenco de ET:

Esperabas ganar?

- Sí.

Como apareceu a idea desa montaxe “por bulerías”?

- A partir do vestido dunha muñeca, pensei na idea da cabaza vestida…

Non se lle imita moito a alguén?

- Eu non me dera conta, pero polo que din ten pinta de ET.

E xa rematamos cunha novata de 1º, faladora imparable pero algo “jarabedepalo”, que está contenta neste “día de mortos” (pero lembremos que “os mortos celtas” non tiñan porque ser malos visitantes, era unha noite de festa!), fálanos Érica Santos:

Esperabas ganar?

-Depende.

E como xurdiu a idea da cabaza?

- No faiado atopei unha perruca e de aí veume a idea…

Segundo ti, que representa?

- Unha especie de vampira.

E así rematamos un falar con estes (perdón, estas!!!!!) gañadoras. Seguiremos…

PASABAN POR ALÍ…

2009-10-03T16:45:00.006+02:00

Decidimos darlle voz a un equipo de veteráns, dous recéns subidos a 2º nivel e dous embarcados no PCPI.

Así que nos chantamos fronte ao banco (que non presta cartos) e lles tiramos as preguntas de rigor (estes días):

Tiñades ganas de volver?

- Algúns si, pero outros ningunha.

Que tal foi o verán?

- Ben, en xeral, pero algún a certas horas ía un pouco “cego”.

Algo que dicir destes primeiros días de curso?

- Empezamos algo mal. O peor foi o parte que xa levou un deles.

Pero están ledos coma poucos. Hai que lles agradecer o bo humor, xa que esa vén sendo unha das características básicas deste grupiño de rapaces: as ganas por vivir. Espero que nos meses vindeiros atopen máis momentos de ledicia e de traballo ben feito.

E como me caen un montón de ben, aí vai unha canción chea de color (xa se me van os pés…) :

http://www.youtube.com/watch?v=8IogAP0zmmc

2009-10-01T20:39:00.008+02:00

UNHA CONVIVENCIA NO CAMIÑO

Hoxe marchamos (case) todos do Instituto. Fómonos de 'marcha'. Xa sabedes, de Traba a Laxe. Outra vez temos que dicir que nos encantou o percorrido, a pesar de certas néboas ameazantes. Pero estamos máis contentos aínda do ben que foi a cousa. Temos que felicitarnos todos, pero eu penso que especialmente ao alumnado, que tendo un comportamento tan bo, permite que neste Insti se poidan facer cousas así. Ben por nós!!

Como premio tedes aquí unhas fotos. Se as queredes descargar, estas e algunha máis, pasade pola biblio.

RECIBINDO O NOVO CURSO

2009-09-26T21:36:00.007+02:00

Sabendo que o alumnado pasa o verán pensando na súa volta a este marabilloso insti, non queremos pasar sen darlles a benvida coa axuda do persoal.

Así que no corredor, este luns e primeiro día de clase, pillamos a un par de mociñas de 3º da ESO (recén embarcadas) e fixémoslle un trío de preguntas.

- Tiñades ganas de volver ó insti?

- Si, porque eso quere dicir que estaba chegando a Barca.

- Que tal foi o verán?

- Ben.

- Algo que dicir deste día?

- Non estivo mal, pero para ser o 1º día houbo moito traballo.

Nótase que Noemí e Jeni se levan moi ben, xa que contestan ao alimón. Esperemos que todo lles vaia ben neste curso (mesmo o traballo coa madeira), xa que o merecen! Seguiremos buscando “inicios de curso”.

Mentras vos deixo descansar cun “traballador nato”:

http://www.youtube.com/watch?v=73OUOH3gT9g

2009-06-23T18:04:00.005+02:00

FIN DE CURSO PASADO POR AUGA

Tiñan o cerebro tan 'a lume' logo dos exames finais que tivemos que poñelos a remollo para rematar o curso.

Logo dunha camiñata desde o Insti ata a praia do Lago (de enfrente, que din os camariñáns) démonos un baño refrescante, xogamos na area e comemos xeados. Outros marcharon a surfear nas ondas de Malpica. Non está mal para remate de curso!

2009-06-20T21:37:00.008+02:00

ENTREGANDO PREMIOS

Así de contentos se puxeron os alumnos e alumnas (ou pode que lle apeteza varrer o chan coas melenas, quen sabe!) á hora de recibir os premios de Deporte Interno e os dos poemas presentados ao Certame de Poesía do Concello.

Unha boa forma de ir rematando o curso, e as entradas a este blog, aínda que algunha actividade queda por aí que teremos que poñer aquí, non sí?

2009-05-30T17:26:00.003+02:00

DE FARO A FARO
Logo dalgún problemilla cos 'motores virtuais' do 'catamarán' da biblio, xa podemos 'navegar virtualmente' de faro a faro, do Vilán ao das Cíes.
Hai que ver as caras que ten esta xente cando non está dentro dunha aula, que sorrisos!! E logo algún me pregunta que por que digo que quero ser alumno no insti, e non profe! E seguro que algún, que aquí xa había maiores, xa sabe agora o que outros saberán máis tarde: que se aprende tanto ou máis que nos libros, que todo vai xunto e todo se complementa.

2009-05-06T19:04:00.006+02:00

A GOLPE DE REMO

Tal día coma hoxe, cun sol espléndido e sen vento, fomos río abaixo -e río arriba- a golpe de remo. Unha experiencia estupenda, un tanto 'pasada por auga', na que temos moito que agradecer aos monitores que nos guiaron e a Javier, encargado de actividades do insti, que foi o organizador.

Ademais da remada tivemos unha sesión de carreira de orientación que nos levou polos montes de Xaviña. Ao final todos nos 'orientamos' e non houbo que rescatar a ninguén.

Aquí tedes unha mostra do que pasou, e si non podedes descargar as fotos de abaixo, facédeo desde aquí<

Películas

2009-04-25T13:28:00.004+02:00

Navegantes

O pasado martes, día 21, os de 3º, dentro do denominado Proxecto Terra, visitaron a cidade de Ferrol e navegaron pola súa rúa:
Primeiro percorreron o barrio da Magdalena, para ver as fachadas das numerosas casas modernistas.
No parque Raíña Sofía foron á aula de Ecoloxía Urbana, na que participaron nun xogo co fin de coñecer como se produce a contaminación dos ríos, para tomar conciencia de que a auga e un ben escaso e todos debemos, facer o posile para preservala.
O paseo en barco foi desde o Peirao da Curuxeira ata a ponte das Pías, con parada e "xelado" en Mugardos. E logo foron ata as proximidades do porto exterior. Atracaron no castelo de San Felipe, con visita guiada.
Total: un aburrimento terrible. E Marisa e Manolo decindo que que todo o día pelexando con eles, que non hai quen os ature, que que horror, que que... (jua,jua,jua...)

LEMBRANDO

2009-03-21T21:41:00.007+02:00

Dúas alumnas deixaron o centro hai xa un tempo, pero tamén deixaron o seu selo polos lugares do IES por onde foron pasando. Un deles foi a biblioteca, xa que eran habituais visitantes nos recreos.
Usaban tanto o diccionario como algún libro que lles dera información sobre os lugares onde viviron : Granada, Camariñas… Iban defendéndose ben co castelán e non lle facían ascos ó galego (xa podían aprender delas algúns coruñeses…). Pola nosa parte gustamos naqueles días de escoitar o seu árabe.

Aproveitando unha carta que enviaron ó noso centro, queremos desde estas pedras mandar ata a cidade da Alhambra unha man que permita trasmitirlle a nosa calor (o noso clima non lles axudaba tanto) en forma de amizade.

Sempre que querades vir de visita (e lembrade as visitas virtuais), Farah e Oujdane, aquí estaremos!
Como lembranza dunha excursión feita no principio de curso aquí e aquí van dous ligues con imaxes daquela actividade.

E como non hai dous sen tres, imos poñer aquí outro ligue cunha canción árabe. No videoclip hai unha mestura de estéticas orientais e occidentais, o que pode facilitar ó noso alumnado unha comparación cos seus famosos “triunfiños”.

Situamos aquí o ligue coa nova entrada (21/02/10) para facilitar as cousas:

http://pedrasdovilan.blogspot.com/2010/02/marrocos-tan-preto-e-tan-lonxe_21.html

ESCAQUEANDO (SE)

2009-03-17T00:24:00.002+02:00

Era o verbo máis practicado na antiga “mili”. Pero, no IES e nesta época do curso, corresponde ó deporte que practican na biblioteca unha parte do noso alumnado: xogando ó xadrez tamén van “escaqueando”.
E casi rematando o torneo , conversamos cun dos seus 21 participantes, para “meternos” un pouco en como o vai vivindo.

Por que participas?
- Para pasalo ben.
Esperas gañar (está neste momento ex-aqueo na primeira posición)?
- Non.
Como ves o nivel dos xogadores?
- O ano pasado era máis alto.
Queres animar a outros para que se pasen pola biblioteca nos recreos?
- Sí, considero que se pode pasar un tempo entretido.

Graciñas a Santiago Baña polas súas palabras. Como digo eu sempre, a mocidade ten xente de moita calidade.

E patrulla habemus.

NO PATIO (DE BUTACAS) DO CINENSINO (2)

2009-03-09T20:41:00.004+02:00

E para nos axudar nun comentario anterior sobre CINENSINO, buscamos a un grupiño de 1º de ESO e falamos sobre esta actividade.

- Que vos pareceu a peli?
- Ben, interesante, rara… son algunhas das súas respostas.
- En que consiste o caderniño que traballades na titoría?
- En ir facendo comentarios sobre cousas que aparecen na peli.
- Algo vos quedou como máis marcado dese caderniño?
- Hai un test con preguntas sobre os pais. Unha vez feito nótase que non sempre coñecemos ós nosos pais tanto como pensamos.

Para rematar pregunteilles que lles parecía eso de “traballar no cine”, pero todos opinaban que non era cousa para eles.

En fin, dámoslle as gracias a María, Mónica, Nuria e Michael, por axudar a este patrulleiro perdido.
E, xa de paso, lles informei que no catálogo da nosa biblioteca hai pelis e libros deste tipo. Que axudan a comprender como a sociedade debe ser máis respectuosa coas persoas "diferentes".
Dalgún xeito todos somos diferentes!!!!!

NA MOCIDADE HAI DESAMOR?

2009-03-06T18:00:00.005+02:00

O que si che hai son poetisas no IES. Unha delas decidiu cantar en francés ó desamor, facendo que lembremos (os vellos) aquel “Paris, c’est l’amour”.
Noelia Pose, de 1ºB e 1º premio en LF do certame de poesía amatoria 2009 , di nunha parte do seu poema:

Toi fou, fou de moi
mais moi peur, peur de toi.
Les jours passent.
(toi=ti, fou=tolo, moi=eu, peur=medo, jour=día)

E unha vez rematada a entrega dos premios falamos coa Noelia, mantendo o seguinte intercambio:

- Por que te presentaches ó certame poético?
- Interesábame o tema e pensei que tiña algunha oportunidade de gañalo en francés.
- Por que nesa lingua precisamente?
- Síntome moi segura en francés e eso animoume.
- E por que o enfocaches polo desamor?
- Sempre se fala de amor, amor…, coidei que podía facer algo diferente, que era mellor falar de dúas persoas que non coinciden, que se aman en momentos diferentes.

Pois sí, a Noelia soubo coller esa esencia do desencontro amoroso, que non é tan raro nas parellas humanas: hoxe ámote eu e ti pasas de min, mañá ó revés. C’est la vie!

NO PATIO (DE BUTACAS) DO CINENSINO (1)

2009-03-05T19:25:00.004+02:00

Unha actividade moi ligada á biblioteca ven sendo a do CINENSINO. Coa colaboración de Neria, que aporta persoal, material de proxección e os caderniños para traballar na aula, temos a posibilidade de ver tres pelis que nos falan sobre aspectos importantes na educación da mocidade.
Os caderniños, como o da imaxe, permiten traballar nas titorías os aspectos salientables para educar en valores democráticos.

Concretamente neste trimestre tivemos unha peli, El niño de Marte, que nos falou dun neno diferente. Un neno que non se adapta ás características que marcan as reglas sociais imperantes: ven sendo algo así “como un neno marciano”.
A pregunta, unha vez mirada e vista a peli, podía ser esta: que facemos con el? Seguro que moitos dirán: reenvialo ó seu planeta!
Deso vai esto do cinensino, non?

OU O COMENTARIO DUNHA EXPOSICIÓN AMATORIA

2009-03-03T20:51:00.004+02:00

A biblioteca montou unha exposición sobre poesía amorosa. Para reivindicar o feito de amar e o feito de dicir o noso amor con palabras.
Nestes tempos de internet haiche moito “tkm”, “qroxe”…, pero, curiosamente, son tempos de pouco amor. Porque querer e amar poden imitarse moito, pero pasar de querer a amar, vén sendo como pasar de río a mar: haiche que desembocar con xeito.
Para comentar a exposición, preguntámoslle a unhas rapazas de 2º nivel (xa mociñas?), que toman o fresco e algunha lambetada ocupando un banco do noso patio.

Sabedes algo da exposición? É o mesmo querer que amar? E sacamos algo como esto:

- Vimos a exposición, pero non collimos ningún libro para ler algún poema.
- Amar non é o mesmo que querer. Amar é enamorarse dunha persoa, amar é querela con paixón, non é o mesmo que querer a un amigo, ou querer a túa nai…

Pois si, parece que o teñen clariño. Seguriño que de cando en vez observan se hai paseando algún posible "apaixoante". Espero que teñan sorte!

Eu seguirei patrullando.

PODE SER UN CONCURSO...

2009-03-02T20:43:00.005+02:00

Muchacho que sería yo mirando
aguas abajo la corriente,
y en el espejo tu pasaje
fluir, desvanecerse.

Dinos un poeta falando da mocidade. Que tal se, antes de te desvaecer, contestas unha pregunta nun comentario e fas que durma hoxe máis contento?
Todo proceso de comunicación ten unha primeira porta e nada mellor que abrila xa un día como hoxe…
Esta estrofa do mozo e o espello está nun libro chamado, en linguaxe bibliotecario: 860P , ALE , vic . A pregunta que me gustaría ollar contestada di así : quen é o autor dese libro?

2009-02-07T21:12:00.007+02:00

Living Europe - Galicia Dixital
Os de 1º deste curso non paran! Están empeñados en andar canto camiño se lles poña por diante. A última (polo de agora) foi á Capital, para aprender Inghlés e fedellar nos aparellos de Galicia Dixital. Coñecemos as principais rúas e prazas e visitamos a 'Santi' na súa casa. E, como non podía ser doutro xeito estando en Santiago, a chuvia fixo tamén acto de presenza durante o día.
Quen se atreve co test sobre a excursión??? O que acerte pode ver o vídeo que está embaixo!!

1º_-_santiago_4_febreiro_2009

Living Europe-Galicia dixital from Libraco on Vimeo.

Os de 1º metidos en xeo

2009-01-26T21:57:00.006+02:00

Marcharon pola mañanciña, con vento e friaxe, pero nada consegue deter a estes aventureiros amantes da natureza... e do xeo.

Primeiro visitaron o CEIDA (Centro de Extensión Universitaria e Divulgación Ambiental de Galicia... toma xa!!), realizaron un roteiro por Oleiros, vendo a costa de Dexo: a marola (quen non pasou a marola non pasou a mar toda) na entrada da ría de Ares, o Seixo Branco e as antiguas baterias costeiras de defensa, entre outras cousas.

E para enfriar a ardor aventureira foron patinar no xeo, aínda que algunha meteu a pata, ou mellor dito a man, onde non debía... non si, Maeva?? Menos mal que é de boa caste e sanará pronto!
Podedes ver aquí abaixo as fotos e facer (se vos atrevedes!!), o cuestionario de embaixo.

Movies

visita_ao_ceida

UNHA ALUMNA DE VISITA POLA EXPOSICIÓN…

2008-12-10T23:21:00.003+02:00

…que sobre a Violencia de Xénero montou a biblioteca, en colaboración co ENL do insti.
Catti achegouse para observar un dos libros e aproveitamos para facerlle dúas preguntas.
Por que che fixaches na exposición?
Non me gusta que se metan coas mulleres, que as violen…e quixen saber que decía esta exposición.
Algo que chamara en especial a túa atención?
O símbolo da exposición, ese laziño azul gustoume. Ademais estiven vendo un libro que fala de “emocións e sentimentos”.
Coidamos os dous que esto da violencia tenche moito que ver co mal desenvolvidos que teñen algúns humanos, precisamente, esto das emocións. Normalmente botamos fóra de nós as emocións dun xeito violento, pero si traballaramos mellor os sentimentos teriamos máis facilidade para nos emocionar pacíficamente.
E como tocaba a sirena, fixemos a foto e dun xeito pacífico disolvímonos.
Eu sigo de patrulla.

2008-11-29T22:19:00.003+02:00

As carreiras en Cee
Este xoves, o día 27, andivemos ás carreiras por Cee(villa). Marcharon alá uns 45 alumnos e alumnas do centro para participar no campo a través nas categorías infantil e cadete. Case todos fixeron un bo papel, participando cun bo espíritu deportivo. Tanto é así que incluso Mauro Lista quedou de 1º e Joly fixo unha carreira grandiosa e case queda clasificada individual.

Lástima dos cadetes, que deben ir vellos e lle fallan as forzas. Terá algo que ver co feito de estar en 4º??

BubbleShare: Share photos - Find great Clip Art Images.

MOMENTOS DE LECTURA…

2008-11-19T23:49:00.003+02:00

…que veñen sendo momentos de integración. E se non que llo pregunten a Camila e a Ouidane, unha veterana de 2º de ESO e unha novata de 1º.
Neste caso a novata colleu un libro que lle transporta ata o seu querido Marrocos, e quixo aproveitar para amosarlle á súa amiga como pode ser unha mesquita por dentro. E así, nun plis plas, estaban na Mesquita da Roca, lugar de peregrinación do Islam.
Os libros, e as súas palabras escritas sen odio, unen. Deixémonos unir!
Hai que ser un cacho de granito para non sentir que as palabras nos poden descubrir un mundo por onde viaxar . E que mellor guía nestas viaxes que unha man amiga?
Estou colléndolle gusto a esto de patrullar pola biblioteca.

2008-11-18T21:06:00.006+02:00

VANIER

Para os despistados/as dicir que Vanier é un grupo camariñán de 'Gothic Metal' e que os seus compoñentes son ex-alumnos do noso centro.

Teñen unha páxina en MySpace na que podedes oír un tema seu (hai que dicir que melloraron bastante desde a última vez que lles escoitei algo). O temá é instrumental, e andan á caza e captura dun vocalista coa gorxa o bastante 'rota' para que encaixe co seu son. Alguén se anima??

Vanier en MySpace

XOGANDO CO MAR

2008-11-17T18:45:00.005+02:00

Alumnado de secundaria, ondas do mar coruñés. Xusto na beira do Aquarium e da Domus.
Adolescentes con gañas de xogar e 2 lugares para aprenderlles cousas xogando. Esaxero?
Aulas moi abertas e seres na idade de recoller unha información que se lles oferta con medios diferentes ós da cotidiana clase.
Juanmanueles e Sheilas recibindo, peixes no Aquarium e mecanismos vitais na Domus emitindo. Vos soa a algo eso da comunicación?
“Vaia bogavante”, “ese tiburón que non para de dar voltas”, “que noxo cando nacemos”, “son capaz de estar máis relaxado ca ti”… Unha chea de momentos científicos case sen recoñecelos.
E, para rematar a clase, un paseo por Dolce Vita. Sí, así é, non lle botemos a culpa a eles, a culpa é desta sociedade consumista que os mete no botellón da publicidade : compra, compra, compra… Que mentira sería pasar como se non existira.
Eles só queren xogar, somos os adultos quen impoñemos as regras do xogo. Non nos enganemos!
Eu pensaba falar da excursión a Coruña do 11/11/08, pero…

UN VETERANO LECTOR

2008-11-08T22:44:00.003+02:00

Veterano e completo, xa que practica esa lei da biblioteca, non escrita, que nos fala de como o cine e os documentais complementan o uso dos libros.
O amigo José Ignacio estaba a devolver o seu exemplar da serie Xeografía Galega e decidín asaltalo cunhas preguntiñas. E aquí temos a conversa:
"Por que decidiches coller este documental?
- Apetecíame ver cousas de sitios como Os Ancares, Muxía, Camariñas…
E que chamou a túa atención do que polo documental asoma?
- Gustoume ver os osos e os lobos que saían nos Ancares, ou as vistas desde o aire que hai de Camariñas…
Prefires ler ou ver imaxes?
- Aínda que me gusta moito ler, disfruto tamén moito vendo cousas con imaxes.”
Pois si, mentres teñamos alumnos así, a biblioteca está cumprindo unha boa función.
E vale a pena que siga de patrulla.

2008-10-31T21:32:00.005+02:00

O Samaín

Para que os novos alumnos e alumnas vexan as preciosas cabazas que faciamos en cursos anteriores, aí van unhas fotos. Seguro que tamén aos autores lles vai gustar volver a velas.

Ah! E como o Samaín ten moito que ver coas historias de mortos aí vos vai unha sobre a Santa Compaña. Que vos parece? Se vos gusta ou se non vos gusta, podedes animarvos e escribir algún comentario terrorífico.

Aquí abaixo tedes unha pequena selección de'afotos' doutros cursos:

MEMENTOS DE BIBLIOTECA

2008-10-30T21:22:00.003+02:00

Andaba estes días pola biblioteca e vin como unha alumna de 1º (Dr. Zhivago remember) devolvía o DVD que aparece na imaxe. Decidín ir de periodisto e preguntarlle se lle gustara. Ela dixo que si, polo que fun máis aló e quixen saber a razón.
Como boa alumna dubiduo e dixo, en principio, “por que si”.
Como bo periodisto decidín contraatacar pedindo algo con máis chicha. E saquei unha resposta coma esta:
“Gustoume sobre todo o final, no que a familia se muda para vivir na fábrica, xa que así consegue un lugar máis quente e o Charlie pode comer ese chocolate que tanto lle gusta”.
Para ser de primeiro, téñolle que recoñecer unha certa disposición.
Para seres curiosos, teño posto o ligue do Dr. Zhivago.
Seguiremos patrullando!

Tiles and teenagers

2008-10-28T17:44:00.003+02:00

Non queda outra que rendirse ante a evidencia e felicitar aos artistas que o curso pasado realizaron o mural, dirixidos por Javier Brey, o profe de Plástica, para o concurso organizado por "Lar".
Resulta curioso que non levaron premio, pero foron escollidos pola revista "Azulejo Internacional" para aparecer nas súas páxinas, e ademais na edición internacional, nada menos!! Medio mundo (e parte do estranxeiro) verá aos nosos alumnos traballando no mural, nun artigo, en inglés, de varias páxinas, no que explica todo o proceso seguido ata rematar o mural, baseado no cadro "a árbore da vida" de Gustav Klimt.

Promoción internacional para o noso Insti!! Noraboa a todos/as!!

TEN UNHA MELENA LOIRA…

2008-10-27T20:06:00.005+02:00

…e non sabe de Samaín, nin de poñer cabazas nos muros, pero que tan simpática é! Esta alumna, que atopei na biblioteca, tamén pensará, como moitos, que as cabazas galegas son unha cola do rato estadounidense e non unha cabeza do león celta.
Os rapaces do meu barrio aínda non tiñamos as febres halloweynas e sempre pensamos que na época dos defuntos faciamos un xogo infantil, eso si, máis ou menos tradicional.
Cando colgabamos do noso pescozo colares de castañas cocidas para logo tiralas en pequenas guerras. Ou cando, pola noite, colocabamos as cabazas nos portais das casas para asustar ás velliñas. Resulta que estabamos seguindo certos ritos antigos sen sabelo.
Na escola non se falaba deso, os tebeos (cómics, bandas deseñadas…) falaban de mouros e cristiáns ou de pequenos detectives (para os nenos), de rapazas e princesas (para as nenas), en fin, nos mantiñan no limbo da cultura.
Na biblioteca temos estes días unha amena información sobre esa actividade que abre todos os novembros do noso insti: o día de cabazas. Unha actividade que organiza o Departamento de Inglés, coa axuda da Biblioteca e doutros Departamentos, pero que anda algo pocha debido a certas friaxes do último ano.
A información da que falamos vén da man dunha tribo de celtas (ou castrexos) que viven aínda a nosa prehistoria con xeito de banda deseñada.

ARRISCARSE A LER…

2008-10-21T22:50:00.005+02:00

…pode ser entretido. Un xogo que non fai perder máis que uns minutos probando “haber si”.
Un tebeo ou cómic ten moitas imaxes e uns cachiños de texto. Aínda que os do Blueberry poden pedir un chisco de lectura textual. Pero nada que un mociño ou mociña do IES non poida sufrir con gusto.
A cousa vén ser que queiramos entrar no mundo do Oeste Norteamericano, ollando as aventuras dun oficial do exército USA un pelín especial. Alguén que perdeu unha guerra e non está moi a gusto cos seus superiores, pero a quen lle molestan máis os malfeitores (o que noutros tempos chamamos “mafiosos”).
Non che parece que vén sendo mellor e máis san fumar coa imaxinación que escarallar os teus pulmóns (e os do veciño!)? Xa coñezo a túa contestación á primeira parte da pregunta, pero sinto dicirche que estás moi, moi errado!
Na biblioteca está esperándoche unha especie de pitillo da marca BLUEBERRY, que pode crear adicción pero non mata.

2008-10-01T21:31:00.006+02:00

UN CURSO "EN MARCHA"
Non é mala forma de comezar un curso, nin de estrear a nova denominación deste blog, que pasa a chamarse "Pedras do Vilán" e onde, pedriña a pedriña, iremos
creando unha montaña de noticias, comentarios, suxestións... e o que vós queirades.
A primeira saída do curso foi unha boa camiñata, da igrexa de Traba ata a praia de Laxe, onde houbo que "rescatar" a algún "bo peixe" que andaba perdido no mar.
Desde aquí queremos mandar unha felicitación a todo o alumnado participante, aos profes (pobres, tamén o merecen) e á organización. Todos contribuíron a que fose un día excelente, unha moi boa forma de poñer o curso en marcha.
¡E de premio o primeiro lote de fotos: mañá máis!!

Traba-Laxe 08/09 1

E como xa prometeramos... aquí vai outra tanda de fotos. Non vos queixedes!!

Traba - Laxe 2

2008-04-22T21:09:00.006+02:00

Os equipos femininos

están tremendos

Xa era hora de gañarlle ao Xiria, e de que forma! Primeiro gañaron as infantís e logo, por se fora pouco, o equipo de cadetes. E eso que de 'cadetes' tiñan pouco, que a maioría delas era o mesmo equipo que xogara xusto antes o partido de infantil. Pero as nosas rapazas o aguantan todo, mesmo Jenny, que viña recén chegada da marcha madrileña. Ademáis, no mesmo fin de semana, viñeron cargadiñas de medallas de Badminton. Pero ese é outra historia e debe ser contada noutra ocasión. Se queres ver os momentos de gloria...

Gañámoslle ao Xiria!

2008-02-06T22:17:00.000+02:00

Sube a MARea no Insti

Temos que andar con coidado estes días polos corredores do insti: subiu a marea e anda todo cheo de peixes, mariñeiros, piratas, estrelas de mar, tiburóns... que, por certo, teñen costumes moi curiosos, como o de tomar chocolate a media mañá acompañado de larpeiradas de antroido, e logo irse a bailar, para baixar as calorías, ao ritmo que marcan os DJs (ex)residentes.

Noraboa aos profes de plástica, especialmente a Laura, pola cantidade de ideas e de traballo, e a todas/os os que axudaron a poñelas en práctica e adornar deste xeito os corredores do IES.

Queremos animar dende aquí ao alumnado a disfrazarse e a anotarse para o concurso (había comparsas e disfraces que non estaban inscritos) que se pasa ben!, e se queredes unha proba do que digo picade na foto...

2007-12-02T22:10:00.000+02:00

Ser, ou non ser. That is the question

BubbleShare: Share photos - Safe Toys

O pasado xoves, día 29, un grupo de ¡70! alumn@s de 1º e 2º de ESO (e 4 intrépido@s prof@s) fomos disfrutar do teatro. Como en anos anteriores escollemos unha adaptación dun clásico universal. Neste curso tocoulle a William Shakespeare e a súa coñecida traxedia "Hamlet”.
Nela non faltou ningunha das grandes pasións: o amor, a avaricia, a vinganza, a ambición, a mentira, a loucura e a dúbida. ¿Era Hamlet incapaz de ser (actuar con conciencia e con convición a pesar das consecuencias), ou era esta incapacidade a súa verdadeira traxedia?

Cando rematou a obra fixemos algunhas preguntas aos actores: ¿Son as espadas de verdade? ¿Por que faltan partes da obra? ¿A caveira era a do actor do ano pasado? ¿O pai de Hamlet era un zombi? ¿Cal é o número do móbil deste Hamlet tan ghuapiño?....
Voltaremos o curso que vén. E no entretanto… teatro de altura no IES.
E se queres ver máis fotos preme aquí.

2007-12-02T21:40:00.001+02:00

A través do campo

Andan os rapaces e as rapazas do instituto dicindo que no campo a través non teñen rivais, que a el@s o de campo quédaselles curto, que aínda que fora de 'monte' habían de arrasar igual.

E para demostralo din que non hai máis que ver as imaxes que tedes aquí.

2007-11-14T20:42:00.000+02:00

A Santiago vou...
Os de 1º e 2º da andiveron de troula por Santiago este día. Logo de varios mareos no autobús de Suso acabaron de perderse nas rúas estreitas de Santiago onde, como dicían eles, "aquí todo é pedra", supoño que botando en falta o "cálido asfalto" e, sobre todo, o centro comercial.
Ao remate acabamos por atoparnos a nós mesmos diante dunha obra de teatro en inglés (ou case, e que os interesados/as poderán recordar co DVD de próxima aparición) e comprobamos que Galicia tamén é dixital: algún/ha houbo que lle quería lanzar a nasa a un lubrigante despistado que pasaba por alí. Podes comprobar que é certo o que digo picando na imaxe.

2007-10-25T21:49:00.000+02:00

UK Culture

Hoxe Win fíxonos unha visita para contarnos algo sobre United Kingdom e de paso demostrarnos que entendemos máis do que dicimos entender, e que o English non é tan terrible!

A xente pasouno bastante ben e, polo que contestaba, parece que sabía o que dicía. Especial mención para Mr. Fran que case se fai millonario. Que non me cres? Pódelo comprobar pegándolle un vistazo a estas fotos.

Se ademais queres oír algo mira aquí debaixo:

2007-10-16T16:00:00.000+02:00

MÚSICA, MAESTRO!!

Comezamos o curso dunha das mellores formas posibles, con música!! E non queremos dicir música "enlatada", non, con música en vivo e en directo. A banda de metais que nos visitou non insti mostrou algo de teoría musical, con exemplos prácticos e demostracións, e fixo un pequeno percorrido pola historia da música, chegando aos tempos actuais e pasando polas bandas sonoras do cine. Todo un luxo!
Chegaron incluso ao rock'n'roll e algún depistado houbo que andaba a buscar os cables da guitarra eléctrica.
Quen me saberá dicir o nome e o autor da banda sonora (dunha famosa peli e serie de debuxos) que interpretaron?? As respostas na biblio ou no correo electrónico.
Ah, se queredes ver máis picade aquí!

Ata o próximo!

2007-06-24T20:09:00.001+02:00

Rematamos o curso, un curso que foi bastante xeneroso coas actividades celebradas. Non todas están recollidas neste blog, pero temos que recordar que desde o primeiro trimestre véñense celebrando diferentes actividades para os diferentes grupos e niveis. Como non podía ser doutro xeito, fixemos a despedida, no último día de clase, tamén con algunhas actividades: xogos populares no patio e a visita dun cantautor na sala de usos múltiples.

Ademais das fotos, se picas aquí terás outra sorpresa!

Felices vacacións, que collades moitas forzas para o próximo.

E para os que se van... sempre un recordo cariñoso ¡e quedamos esperando a vosa visita! ¡Ata sempre!

Camiñata Traba-Laxe

2007-06-20T21:35:00.000+02:00

Chega fin de curso e comenzan as actividades de 'despedida'. Un grupo de atrevidos e atrevidas de 2º, xunto con tres dos profes que os torturaron durante todo o curso, fixemos unha camiñata dende Traba ata Laxe, seguindo toda a costa. Unha camiñata preciosa que seguro que moitos apreciarán máis cando teñan uns poucos anos enriba... ou cando xa non permitan camiñar por onde o fixemos hoxe. Esperemos que o que teñen previsto para a lagoa deTraba quede ben!!

Para ser sinceros hai que decir que en canto chegamos a Laxe só quedamos dous cobardes sen probar a auga. Se non me cres mira as fotos!

Os ladridos do "can"

2007-06-16T14:46:00.001+02:00

Xa se gravou a canción dos de 3º e 4º da "Operación Can". Un productor e dous técnicos de son achegáronse ata o Insti cun equipo móbil de gravación e os cantantes foron pasando en grupos de 8, a catro por micro, en plan moi profesional. Tamén houbo algúns que fixeron a filigrana de cantar en solitario. Non diremos nada da tromba inmensa de auga que caeu aquela tarde por se alguén o entende mal...

Agora os técnicos encargaranse de mesturar todas as voces, e algún dos anacos dos solistas, coa melodía que tiñan preparada, para sacar un tema que seguro que soará estupendamente e que arrasará nas emisoras de radio.

Podedes ver algo do que sucedeu premendo na foto ou vendo este pequeno vídeo.

Un mural en Cee

2007-06-16T14:13:00.000+02:00

Xa rematou o concurso de mosaicos que celebraba a empresa Lar en Cee. Os nosos non obtiveron o primeiro premio, pero todos estaban de acordo en que foi un problema de falla de tempo. Sería máis fácil se non houbera que desplazarse ata alí cada vez.

Acabouse o tempo e non poideron rematar a obra por completo, co que os acabados non foron todo o brillantes que estaba previsto, pero eso sí, pasárono moi ben. Podedes comprobalo mirando as fotos do traballo e da entrega de premios.

Esperemos que haxa máis iniciativas de este tipo en próximos anos. Noraboa aos participantes e ao profe!

A Festa de Voz Natura

2007-06-03T22:29:00.001+02:00

Este ano o Insti participou en Voz Natura cun proxecto que incluía a plantación de especies de árbores e o acondicionamento de parte do espazo verde do que dispomos. Se queredes recordar como era aquilo non tedes máis que visitar o apartado principal do blog (Vilán) na entrada de data 7/02/07. Pero aquí o que contamos é a festa que se organizou para a clausura do curso. Pasámolo ben, aínda que non tivemos ningún dos premios, certo que había traballos máis que estupendos: moi ben feitos e moi ben presentados; pero seguro que iremos collendo experiencia se participamos outros anos, e iremos mellorando. Mentres tanto aquí tedes unhas fotos para ver como foi a cousa. Dentro duns días tentaremos de ter tamén algo en vídeo.

de DÚAS en DÚAS

2007-05-06T21:19:00.000+02:00

Xa sabedes que neste insti somos moi xenerosos e temos as alumnas de dúas en dúas. Tanto é así que ata os da tele veñen comprobar como é iso e, de paso, danse unha voltiña por CamariñasCamariñas, que parece que hai moito "duplicado". Podedes ver a parte do vídeo feita no instituto premendo na foto. Se queredes ver a reportaxe enteira premede aquí.

As xemelgas quedan invitadas a publicar aquí algún comentario contándonos algunha das que teñan feito.

Azul e verde ennegrecidos

2007-05-05T22:42:00.000+02:00

Debe ser que a paciencia de Almudena está gardada nun saco sen fondo porque... non se lle ocorre máis que xuntar a... 101!! para facer unha canción. Imaxino que é un record de participación.
A cousa é participar no concurso "Operación Can", e para que gañen, tedes que votar a partir do día 10. Na páxina do concurso podedes oír a canción, pero no noso blog, ademáis, podedes vela premendo na foto.
Non quero ser malo, pero aconséllovos que se premedes na foto teñades un paraugas a man!!

A raquetazo limpo

2007-05-05T22:24:00.000+02:00

O 28 de abril celebrouse a fase provincial de badminton e parace que os nosos, e sobre todo as nosas, facendo equipo con outra xente da Costa, non o fixeron mal de todo: o equipo feminino infantil quedou campeón e o masculino subcampeón.
Na foto podes ver que nin elas podían crelo e por iso dálles a risa: Jenny dí "mi má, non o podo crer" e Nerea dille por debaixo do bigote "disimula, que se van dar conta e nos quitan a medalla".
En fin, se queredes ver algunha imaxe máis, picade na foto, e xa veremos que pasa na final.

Un mosaico en Cee

2007-05-02T21:53:00.000+02:00

Os alumnos de 4º, con Javier, o profe de plástica, están a participar na confección dun mosaico nos muros da empresa "Lar" en Cee.

Parece que colleron o asunto con gañas (non hai máis que ver a cantidade de azulexo roto) e a cousa vai tirando, pero é un traballo de paciencia.

Iremos dando conta dos avances ata que o teñan rematado. Mentres tanto podedes ver aquí algunha das imaxes do que levan feito.